سندھ حکومت نے سرکاری ملازمین کی تنخواہوں میں اضافے کا فیصلہ کیا ہے-

کراچی : حکومت سندھ نے بجٹ 2020-21 کے مطابق صوبائی سرکاری ملازمین کی تنخواہوں میں اضافہ کرنے کا فیصلہ کیا ہے۔

 سندھ  کابینہ نے گریڈ (1 - 16) کے ملازمین کو دس فیصد تنخواہ میں اضافے کا فیصلہ کیا ہے, جبکہ گریڈ 17 اور اس سے اوپر کے افسران کو بجٹ (2020-21) میں اپنی تنخواہوں میں 5  فیصد کا اضافہ ہوگا۔

یہاں یہ واضح رہے کہ سنٹر اور پنجاب نے مالی سال (2020-21 ) کے اپنے اپنے بجٹ میں سرکاری ملازمین کی تنخواہوں میں اضافہ نہیں کیا تھا۔

1200 ارب روپے سے زائد کے سندھ حکومت کا بجٹ آج (بدھ کو) وزیر اعلی سندھ مراد علی شاہ پیش کریں گے۔

ذرائع کے مطابق ، ناول کورونا وائرس سے لڑنے کے لئے 5 ارب روپے مختص کیے جائیں گے جبکہ ترقیاتی بجٹ میں 34.73 ارب روپے کی نئی اسکیمیں شامل ہوں گی۔

ضلع ترقیاتی پروگرام کے لئے 15 ارب روپے مختص کیے جائیں گے اور تخمینہ لگایا گیا ہے کہ 55 ارب روپے غیر ملکی امدادی منصوبوں کے لئے مختص کیے جائیں گے۔